අලුගල්ලෙන - 2023

 බඹරැල්ලෙන් කදු පහට - කදු පහෙන් අලුගල් ලෙනට

මේ විශ්වවිද්‍යාල ගවේශකයන්ගේ සංගමයේ 23/24 ගවේශණ වාරයේ ආරම්භයයි. මෙවර ගවේශකයන්ගේ සංගමයේ තවත් එක් ගවේෂණයක් ලෙස අරම්භ කල නකල්ස් ගවේශනයේද ආරම්භය මෙයයි.  එහි පලමු ගවේෂණ චාරිකාව ලෙස දවටගල මංපෙත හරහා නකල්ස් කදු පහ තරණය කරමින් එදිනම අලුගල්ලෙන වෙත ලගා වී රැය පහන්කර පසුදින කොටගග පතන හරහා කොටගග ඇලි දාමය නරඹමින් තංගප්පුවෙන් ගමන අවසන් කරන ලදී.

ගවේෂණ අංකය:- pilot no 01

දිනය:- 2023/08/22-23

ගමන් මාර්ගය :-

 පේරාදෙණිය - නුවර - වත්තේගම - බඹරැල්ල - දවටගල මංපෙත - නකල්ස් කදු පහ - අලුගල්ලෙන - කොටගග පතන- තංගප්පුව- තෙල්දෙනිය - නුවර- පේරාදෙණිය

ගවේෂණ මට්ටම:- 6/10

කාලගුණය:- අදික සුලං සහිත කාලගුණයක්.

පරිසර පද්ධතිය :-  උඩරට තෙත් කලාපීය

දැකිය හැකි වූ සතුන්,ශාක :- දුම්බර අං කටුස්සා (ආවෙනික) , මහ වදුරා, සමනල් විශේශ, කුරුලු විශේෂ, කෘමී වර්ග, ඇබුල් පේර, බෝවිටියා, හීං බෝවිටියා, එනසාල්, කුරු ශාක

Scientific Name – Ceratophora tenentii

Sinhala Name –Dhumbara An Katussa

English Name –Tennents Hone Lizard / Horn-nosed lizard

IUCN Red List Status – Endangered

         ලංකාවෙන් වාර්තා වන අං කටුස්සන් අතරින් (Ceratophora) ගණයේ දුම්බර අං කටුස්සා, දුම්බර වනපෙතට පමණක්  ආවේණික  කටුසු විශේෂයකි. දුම්බර අං කටුස්සා (Ceratophora tennentii GUNTHER, 1861 දී ගන්තර් නමැත්තා විසින් පළමුව හඳුනාගෙන සර් ජේම්ස් එමර්සන් ටෙනන්ට්‌ගේ නමින් නම්කර ඇත. ඒ නිසා මෙම කටුස්සා "ටෙනන්ට්ගේ අං කටුස්සා" ලෙසත් අඟේ හැඩය ශාක පත්රයක ආකාරය ගන්නා නිසා "පත්‍ර අං කටුස්සා" ලෙසද හදුන්වනු ලබයි. නකල්ස් වන්නාන්තරයේ මීටර 750-1200 උස පාරාසයේදී වලාකුළු වනාන්තර වල පහළ ගස් කඳන් මත මෙම කටුසු විශේෂය දැකගත හැකිය. දුම්බර වනපෙතට අලංකාරයක් හා ඉහල වටිනාකමක් ලබාදෙන මේ කටුසු විශේෂය වඳවීයාමේ තර්ජනයට ලක්වූ සත්ව විශේෂයක් ලෙස රතු දත්ත පොතට එක්වී ඇත්තේ 2006 වසරේදීය.

Common name -Japanese beetle

Scientific name - Popillia japonica

Domain: Eukaryota                              Class: Insecta  

Kingdom: Animalia                              Order: Coleoptera

Phylum: Arthropoda                            Family: Scarabaeidae

Genus: Popillia                                     Species: P. japonica

තෘණ  සහ විසිතුරු ශාකවල පැතිරුණු සහ විනාශකාරී පළිබෝධයකි. ශාක විශේෂ 300 කට වඩා වැඩි ධාරක පරාසයක් ඇත.  මොවුන් ශාක පත්‍ර, මල් සහ පලතුරු ආහාරය ගනී.

Common name - Bambara ( Giant honey bee )

Scientific name- Apis dorsata

Domain: Eukaryota                              Class: Insecta  

Kingdom: Animalia                              Order: Hymenoptera                            Genus: Apis

Phylum: Arthropoda                            Family: Apidae                                     Species: P. japonica

Scientific Name - Osbeckia aspera (L.)Blume

Common Name - බෝවිටියා

ශ්‍රී ලංකාවට ආවේණික පඳුරු විශේෂයක්.

Scientific Name - Neanotis nummulariformis

Family - Rubiaceae

 

තණබිම් සහ තෙත් විවෘත ප්රදේශ වල, ඉහළ කඳුකර කලාපයේ, තණබිම් සහ තෙත් විවෘත ප්‍රදේශවල හමුවන, ශ්‍රී ලංකාවට ආවේණික, බහු වාර්ෂික ඔසුවක්.

Scientific Name - Podochilus falcatum Lindley

Common Name - මහාපත්ම

Family - Orchidaceae

ශාක කඳන් හෝ පාෂණ මතුපිට වැඩෙන ශ්‍රී ලංකාවට ආවේණික  උඩවැඩියා වර්ගයකි. කඳුකර වැසි වනාන්තර වල දැකගත හැක.

Scientific name- Impatiens acaulis Arn

Family - Balsaminaceae

 තෙත් කලාපයේ, තෙත පාෂණ, තෙත් ඉවුරු හා දියඇලි ආශ්‍රිතව වැඩෙන ශ්‍රී ලංකාවට ආවේණික පැළෑටියකි.

Scientific name - Exacum trinervium

Common name - බිනර/ ගිණිහිර

බිනර ශාකය Genticae කුලයට අයත් වන අතර Excaum ඝනයට අයත් වේ. ශ්‍රිලංකාව, ඉන්දියාව, අප්‍රිකාව, මැඩගස්කරය, ඉන්දුනීසියාව හා ආරාබියානු අර්ධද්වීපය ආශ්‍රිතව ව්‍යාප්ත වී ඇත.  ශ්‍රී ලංකාවේ විශේෂ අටක් හමුවන අතර ඉන් පහක් ආවේණික වේ. තෙත්, වියළි කලාපයේ හා කදුකර ප්‍රදේශවල වල හමුවේ.

නකල්ස් ගවේෂණයේදී අපට හමු වූයේ ශ්‍රී ලංකාවට ආවේණික Exacum trinervium නම් විශේෂයයි.

Scientific name - Aplinua fax

විශේෂයෙන් නකල්ස් කඳුකර කලාපය තුළ දැකගන්න පුළුවන් උසින් වැඩි Zingiberaceae පවුලට අයත් ඔසුවකි. මෙයත් නකල්ස්හී හමුවුණු තවත් ශ්‍රී ලංකාවට ආවේණික ශාකයත් විදිහට හඳුන්වන්න පුළුවන්.

Scientific name- Impatiens thwaitesii

 Family - Balsaminaceae

ශ්‍රී ලංකාවට ආවේණික වූ කූඩලු විශේෂ 16 අතුරෙන් එක් විශේෂයක්  නකල්ස් ගවේෂණයේදී අපට හමුවිය. සෙවන සහ තෙතමනට සහිත  පාෂාණ මත දැකගත හැක. විශේෂයෙන්ම කඳුකර වනාන්තර තුළදී හමුවේ. සුදු පැහැයේ සිට තද දම් පැහැය දක්වා වර්ණ පරාසයක් සහ යම් සුළු ව්‍යූහාත්මක වෙනස්කම් සහිතව දක්නට ලැබේ.2020 ජාතික රතු දත්ත ලැයිස්තුවට අනුව VU-Vulnerable අන්තරායට ලක්විය හැකි විශේෂයක් ලෙස වර්ග කර ඇත.

Scientific name - Hedyotis trimenii 

Family - Rubiaceae

Knuckles 5 peaks ගවේෂණ කරන්නන්ට වැඩියම නෙත ගැටෙන අලංකාර සුදු පැහැති මල් පොකුරු වලින් පිරී පවතින මේ ශාකය නකල්ස්හී බහුලවම අපට හමුවිය. මෙයද ශ්‍රී ලංකාවට ආවේණික ශාකයක් ලෙස හඳුනාගන්න පුළුවන්.

Scientific name- Eriocaulon brownianum Mart

Common name - කොක්මොට

Family - Eriocaulaceae

නකල්ස්හී කුඩා දිය පාරවල් අසල බහුල ලෙස දක්නට ඇත. මෙයත් ශ්‍රිී ලංකාවට ආවේණික පැලෑටියක් ලෙස හඳුනා ගන්න පුළුවන්.

Scientific name - Christisonia calcarata Wight

Family - Orobanchaceae

මේ ශාක විශේෂය තමයි Christisonia කියන්නේ. මෙම ශාකය පත්‍ර රහිත මූල පරපෝෂිත (Leafless root parasite plant) එනම් වෙනත් ශාක වල මුල් මගින් තම පෝෂණ අවශ්‍යතා සපුරා ගන්නා ශාකයකි. මතුපිටින් නිරීක්ෂණය කල හැක්කේ මල් පිපෙන අවධියේදී පමණක් වීම මෙහි තවත් විශේෂත්වයක්. ඒ වගේම මෙම ශාකය අඩු ලේඛනගත සහ දුර්වලව  අධ්‍යනය කරන ලද ශාකයක් විදිහට හඳුන්වා දෙන්න පුළුවන්. මෙම විශේෂය ශ්‍රී ලංකාව, ඉන්දියාව, පාකිස්තාන වැනි රටවල් වල හමුවෙනවා. 

දර්ශන පථය:- ගොම්බානීය , අලුගල් කන්ද, ස්පිනික්ස් 1, 2, දුම්බානාගල, අලියාවැටුනු ඇල, කොබෝනීලගල, සුදුවලාගල, ගැරඩිගල, දෝතලුගල, කන්දසාමීගල, හුන්නස්ගිරිය, ඇටිපොල

මෙම ගවේශණ  චාරිකාවේදී  ලබාගත් අත්දැකීම් හා ගමන් විස්තර පිලිබද කණ්ඩායමේ සටහන පහත වේ.  

පලමු දිනය

නකල්ස් ගමන යන්න අපි යොදාගෙන තිබුනේ ජූලී 22 වෙනිදාට ඉතින් එදා අපි 13 දෙනාම පාන්දර  4.55 වෙද්දි ගලහා හන්දියට සෙට් වෙලා නුවර යන්න බස් එකකට නැග්ගා. පාන්දර 5.10 වෙද්දි නුවර බැහැලා දිගන හෝල්ට් එකට ගිහින් එතනින් වත්තේගම බස් එකකට නගින්න අපිට පුලුවන් උනා. උදේ 5.30ට බස් එක පිටත් උනා. 6 වෙද්දී අපි වත්තේගම. එතනින් 6.25 ට බඹරැල්ල බස් එකේ නැගලා බඹරැල්ලට යන්න පිටත් උනා. මේ බස් එක යන්නේ ගොඩක් ලස්සන පාරක. දිය ඇලි, කදු , ස්වාභාවික පිහිටීම් ගොඩක්  දැක ගන්න පුලුවන්.

වත්තේගම බස් නැවතුම්පොළ

 

ඒ එන අතරමගදි හුලුගග ඇල්ල පහු උනා. ලස්සනම දිය ඇල්ලක් ඒක. නකල්ස් දැවැන්තයා ගොම්බානියට යන පාර, (අලකොල වත්ත) තියෙන්නෙත් මේ හුලුගග ඇල්ල ආසන්නයෙන්මයි. තව පොඩ්ඩක් දුර බස් එකේ එද්දි ජෝඩු ඇල්ලට යන පාර, (ගෝමරය පාර) හම්බ උනා. තව පොඩ්ඩක් බස් එකේ ඉස්සරහට එද්දි පාරටම ජෝඩු ඇල්ල බලාගන්නත් පුලුවන් උනා. තව ටිකක් ඉස්සරහට එද්දි තුන්හිස්ගලට යන පාර (ලෙබනන් වත්ත) පහු උනා.

Bambarella

අපි 7.45 වෙද්දී බැස්සා බඹරැල්ලෙන්. ඊට පස්සේ ගමක් මැදින් තමා අපේ ගමන් මග වැටිලා තිබුනේ.

බඹරැල්ල

8.55 වෙද්දි අපිට හරියටම නකල්ස් නගින්න පටන් ගන්න තැනට එන්න පුලුවන් උනා. එතනට ඒ හරියෙ ඉන්න science 19 Bunja (Lakshitha) ආවා. එතන පොඩ්ඩක් වෙලා ඉදලා පොටෝ එකක් ඒම ගහලා 9.15 වෙද්දි හයික් එක පටන් ගත්තා. 

අපි 9.30 වෙද්දි  නකල්ස් ඇල්ල ලගට ආවා. එතන ඉදන් අපි උයාගෙන ආව බතුයි පරිප්පුයි සීනිසම්බලුයි කෑවා හැමෝම එක්ක. 9.50 වෙද්දි කාල බීල ඉවර කරලා ආයෙ කන්ද නගින්න පටන් ගත්තා. 

නකල්ස් ඇල්ල

උදෑසන ආහාරවේල රසවිදිමින්

10.15 විතර පොඩී රෙස්ට් එකක් අරන් ආයෙ යන්න පිටත් උනා. ඔහොම ඔහොම විනාඩි 2/3 වගේ පොඩී විවේක අරන් තංගප්පුව පාරට හැරෙන තැනට එන්න පුලුවන් උනා 11.30 වගේ වෙද්දි. එතන ඉදන් 5 peaks නගින්න පටන් ගත්තා. 11.55 වෙද්දි 5 peaks වල පලවෙනි එකට ලගා උනා. එතනට ගස් අතරින් ඈතින් අලුගල් කන්ද පෙනුනා.

1^st peak එකට ගස් අතරින් පෙනෙන අලුගල් කන්ද

12.05 වගේ වෙද්දි එතනින් පිටත්වෙලා 12.15 වෙද්දි 2^nd peak එකටත් ආවා.

2^nd Peak

2^nd Peak සිට පෙනෙන අලුගල් කන්ද

2^nd Peak එකට දිස්වෙන 4^th & 5^th  peak

2^nd Peak එකට යද්දි පේන 1^st peak එක

          12.30 වගේ වෙද්දි 3^rd peak එකටත් ආවා. එතන නම් ගහගෙන යන්න තරම් හුලග. එකපාරට හුලං නැතුව තිබිලා ගහගෙන යන තරම් හයියෙන් හුලං හමන්නෙ. එතනත් ටිකක් වෙලා ඉදලා 4^th peak එකට යන පාරෙත් ටිකක් දුරට ගියා හුලං කපොල්ලක් හරහා. හුලං පාර සැර වැඩි නිසා දන ගාගෙන වගේ ගොඩක්ම පහත්වෙලා ගියේ. ගොඩක්ම හුලං සැර නිසා අපි උඩටම යන්නෙ නැතුව ආපහු හැරිලා ආවා. ඇත්තටම ඒ හුලග ගොඩක් ගොඩක් අවදානම් සමහර තැන්වලදි හුලං සැරට කට්ටිය වැටුනා. අවදානම් උනත් මාරම අත්දැකීමක් ඒක. 

  

     

 3^rd peak

එහාපැත්තෙන් පේන ලොකු කන්ද 4^th peak. ඊටත් පස්සෙන් පේන්නෙ 5^th peak. 4^th peak එකයි 3^rd peak එකයි අතරේ හුලං කපොල්ල

3^rd Peak සිට අවට දර්ශනය

හුලං කපොල්ල හරහා 4^th peak බලා

            ආපහු 2^nd peak, 1^st peak හරහා ඇවිත් තංගප්පුව පාරට හැරෙන තැනට ආවා 1.55 වෙද්දී. එතනින් චොකලට් එකකුත් කාලා එන්න පිටත් උනා. ඒ එන අතරමගදී අහම්බෙන් වගේ කටුස්සෙක් හම්බවුණ. ඒ දුම්බර වනපෙතට පමණක් ආවේණික වූ වඳවීයාමේ තර්ජනයට ලක්ව ඇති දුම්බර අං කටුස්සෙක්. ( Ceratophora tenentii ). තව දුරක් යද්දි තව එකෙක් හම්බුනා. ටික ටික කන්ද බැහැගෙන 2.20 වෙද්දි ටිකක්‍ එලිමහන් ගල් තලාවක් තීයෙන තැනකට අවා. එතනට ඈතින් නකල්ස් 4^th peak (1), අලුගල් කන්ද (2), සුදු වලගල (3) පෙනුනා. එතන ඉදන් අපි ගෙනාපු සීනි සම්බල් පරිප්පු එක්ක පාන් කාලා බඩවල් හොදට පුරවගෙන 2.55 වෙද්දි එතනින් ආයෙ ගමන පටන් ගත්තා. මගදි අපි අලුගල්ලෙන මංපෙතට හැරුනා. අලුගල් ලෙන පැත්තට එන පාරේ අතරමග වතුර පාරක් ගාව 3.20 ට විතර පොඩ්ඩක් විනාඩි 10 ක් වගේනතර වෙලා රෙස්ට් එකක් අරන් ආයෙම ලෙනට එන්න පිටත් උනා.

                                                                                                                                             

 දුම්බර අං කටුස්සා

4.35 වෙද්දි අපි අලුගල් ලෙනට ආවා. ඇවිත් චුට්ටක් වෙලා ඉදලා එල්ලිලා හිටපු කූඩැල්ලො ටිකඑහෙම ගලවගෙන කට්ටිය බෙදිල ඊගාව වැඩ ටිකට සෙට් උනා. ලෙන ලගම වතුර පාරවල් වල වතුර තිබුනෙ නැති නිසා ටික දෙනෙක් ගියා අපි මගදි පහුකරන් ආව වතුර පාර ලගට. මන් හිතන්නෙ 1km වගේ දුරක්. තව කට්ටියක් කූඩාරම් ටික ගැහුවා. තව කට්ටියක් දර ටිකක් හොයාගත්තා. ඊට පස්සේ මුලින්ම තේ එකක් හදාගෙන බිව්වා කට්ටියම එක්ක තේ බීලා එහෙමම රෑට උයන වැඩෙත් පටන් ගත්තා. මාතර සිස්ටම් එකට සෝයයි පරිප්පුවකුයි හදාගත්ත. දවල් සීනී සම්බෝලෙත් තිබුනා. බත් උයන එක තමා ගොඩක්ම වෙලා ගියේ. මොකද තිබුනෙ පොඩිවලං දෙකක් විතරයි. ඒකෙන් අපි 13 දෙනාටම හරියන්න 3 පාරක් විතර වලං දෙකේම උයලා තමයි යන්තම් උයාගත්තෙ. එකම පියනෙන් වලන් දෙකේම උයන බත් වලට උපරිම සාධාරනයක් කරා. කොහොම කොහොම හරි 9.00 වෙද්දි උයල ඉවර කරගන්න පුලුවන් උනා. මුලින්ම වතුර තිබුනෙ නැති උනාට අපේ වාසනාවට පස්සෙ පොඩී වතුර වලක් හම්බ උනා, උල්පතකින් වතුර එන. ඒක නිසා ලොකු පහසුවක් උනා වතුර සපයගන්න එක. උයල ඉවර වෙලා 10 වගේ වෙද්දී කාල ඉවර උනා. බත් ටිකක් වැඩිපුර තිබුන නිසා ඒ ටික අපි උදේටකන්න තියාගත්තා. සව්වා නිසා ලූනුත් වැඩිපුර ගෙනත් තිබුන නිසා කිසිම ප්‍රශ්නයක් උනේ නෑ ඒක. පස්සේ අපිකාල බීලා කූඩාරම් ඇතුලට රිංගලා නිදාගත්තා. රෑනම් පට්ටම හුලගක් තිබිලා තියෙන්නේ..

 

 නවාතැන් @ අලුගල් ලෙන

    ආහාර සකසමින්

       

 

රෑ කෑම වේල

දෙවෙනි දව

         උදේ 8 වෙද්දි පිටත් වෙන්න ඕන කියලා කෝටු අයිය රෑ කට්ටියට කිව්වා. ඉතින් ඔන්න ඒ නිසා උදේට කන්න කඩල තම්බ ගන්නත් ඕන නිසා උදේ 3 ට කෝටු අයියටයි ඇපට අයියටයි ඇහැරවන්න කිව්වා. රිදී අක්කත් උදේම එලාම් තියලා ඒ දෙන්නව ඇහැරවලා. එයාල කඩල ටිකක් ලිපේ තියලා ඇවිත් නිදාගෙන. උදේ වෙනකන් ඒ ටික තැම්බිලා ඉතින්.. අපිට උදේ ඇහැරෙද්දි 7ත් පහුවෙලා. ඊටපස්සේ හැමෝම නැගිටලා ගිහින් ඉතුරු කඩල ටිකත් තම්බ ගත්තා. ඔය අතරතුරේ කට්ටියක් කූඩාරම් ටික එහෙම අකුලගෙන යන්න ලෑස්‍ති උනා. රිදී අක්ක තේ හැදුවා හැමෝටම. පාඩියා සමපෝශ එකක් හදාගත්තා යන ගමන් මගදි කන්න. 9.40 වෙද්දි යන්තම් හැමෝම කාල බීලා දවල්ට කන්න කඩල ටිකකුත් ඔතාගෙන ලෙනෙන් පිටත් උනා.

  උදේටයි දවල්ටයි කන්න කඩල තම්බමින්

    මගදි කන්න සමපෝෂ සාදමින් 

  තේ පිලියෙල කරමින්

  උදෑසන කෑම වේල

                    

          ඊට පස්සේ අර අපි වතුර ගනිපු වතුර පාර ලගට ඇවිත් මූන ඒම ටිකක් සෝදගෙන චොකලට් කෑල්ලක් කාලා ආයෙ යන්න පටන් ගත්තා. තව ටිකක් දුර ඇවිත් ආයෙ අපිගාව තිබුන බිස්කට් එකක් කාලා එහෙම යන්න පටන් ගත්තා. ඊයේ බැහැපු කන්ද නගින්න වගේ තමා තිබ්බේ මුල් හරියෙනම්. 11.50 වගේ වෙද්දි කොටගග පතන ලගට ආවා. 11.55 වගේ වෙද්දි කොටගග ඇලි 7 පැත්තට යන පාර හම්බ උනා. එතනින් වතුර පාර දිගේම අපි දිය ඇල්ලට යන්න පටන්ගත්තා. මාරම ලස්සන ගමනක් ඒකනම්. අපි 12.30 වෙද්දි උඩම ඇල්ල ලග. පහලට වැටෙනව බලන්න ආව දිය ඇල්ල අපිව බලන්න උඩට එනවා. ඔව් ඇත්තටම දිය ඇල්ලේ වතුර පහලට නෙවෙයි ගැලුවේ. හුලං සැර නිසා දියඇල්ලේ වතුර ඉහලට ගලනවා. ඒක ඉතා දුර්ලබ ස්වාභාවික සංසිද්දියක්. ඉතින් අපේ සෙට් එක මාරම වාසනාවන්තයි. ඉතින් හුලගයි මීදුමයි වැඩිනිසා අනිත් ඇලි නොබලාම අපි  එතන ඉදලා ආපහු ඇල්ල බලන්න යන්න හැරුන තැන පාලම ලගට ආවා 1.15 වෙද්දි. එතන ඉදලා අපි හදන් ආව සමපෝෂ කාලා කන්ද බහින්න පටන් ගත්තා.

කොටගග ඇලි 7 බලා යන අතරතුර

කොටගග පතන

කොටගග ඇලි හතේ පලවෙනි ඇල්ලේ ඉහලට ගමන් කරන පාරට හැරෙන ස්තානය

කොටගග ඇල්ල වෙත යන අතරමග

කොටගග ඇල්ලේ පලමු ඇල්ලේ ඉහල සිට

ඒ එන අතරමගදී අලියවැටුනු ඇල කන්ද, කොබෝනීලගල, දුම්බානගල එහෙමත් බලාගන්න පුලුවන් උනා. කොහොම හරි 2.20 වෙද්දී තංගප්පුවට බැස්සා. අපිට යන්න තෙල්දෙනිය  බස් එක එන්නේ 4 ට නිසා වෙලාවත් තිබුන නිසා පාර අයිනේ තැනක තියාගෙන තේ එකක් හදාගෙන බීලා තිබුන බිස්කට් ටිකත් කාල ඉවර කරලා දවල්ට කන්න ගෙනාපු කඩල ටිකත් කාල ඉවර කරා. 3.30 වෙද්දි  බස් එක ආවා. අපි බස් එකට නැගලා හිටියා. 4 ටබස් එක පිටත් වුනා එතනින්. 4.55 ට තෙල්දෙනියෙන් බැහැලා නුවරබස් එකක නැග්ගා. ඒ බස් එක මඩවල හරහා නුවරට එන එකක්.  අපි 6 වෙද්දි නුවරට ආවා. එතනින් ගම්පොල බස් එකක නැගලා කට්ටියම බෝඩිම් හොස්ටල් බලා විසිර ගියා.ජීවිතේ හොදම දවස් දෙකක් ඒ වීයට ආදරනීය සුන්දර අමරණීය මතක ගොඩාක් විදියට මතක පොතට එකතු වුනා.

 තංගප්පුවට එන අතරමග දර්ශන

තංගප්පුව

                                                                    

නකල්ස් ගවේශනයේ අවසානය

විශේෂ කරුණු:-

Ø  නකල්ස් ගවේශනය සදහා අවසර ලබාගත යුතුවේ. ඒ සදහා උඩවත්ත කැලේ වන සංරක්ෂණය ආයතනයෙන් හෝ දිගන වන සංරක්ෂණ ආයතනයෙන් ටිකට් පතක් මිලදී ගතයුතු වේ.

 

Ø  කූඩැල්ලන් බහුල ප්‍රදෙශයක් බැවින් ලීච් ශොක්ස් පැලදීම උචිත වේ. ආදේශක වශයෙන් ගාබේජ් බැග් ලීඡ් ශොක්ස් ලෙස බාවිතා කල හැක. එමෙන්ම් ලුනු පොට්ටනි සහ ලුණු වතුර රැගෙන යා හැක.

Ø වන සංරක්ෂණ දෙපාර්තමේන්තුවේන් මං පෙතක් සාදා ඇති බැවින් නියමිත මංපෙත භාවිතා කිරීම මගින් පරිසර හානිය අවම කල හැක.

Click here to see the full Photo Album 

තොරතුරු සහ සටහන :-    

සදුනි කාංචනා - ( Engineering 19 - මුතුබෙල්ලි )

නිමේශ් සචින්ත - ( Management 19 - සව්වා)

ශාක හා සතුන් පිලිබද තොරතුරු:- 

එරන්දි තක්ෂිලා - ( Agri 19 - රෝලෝ )